Kattekrøll er ei ny bok i Samlagets serie Leseland, for barn som lærer å lese. Inspirert av den gongen kona mi og eg kidnappa ein vilt framand katt (!).
Leo, den nye katten til naboen, er forsvunnen. Naboen skal på ferie og er fortvila over at Leo enno ikkje er kommen til rette. Ane og farfar lover å sjå etter den gulbrannete katten. Ane veit at det er vanskeleg for ein omplasseringskatt å finne vegen heim på eiga hand. Men ho veit enno ikkje kor mykje krøll som kan oppstå når ein skal redde ein katt – sjølv om ein berre prøver å hjelpe!